骆驼祥子故事梗概200:迪士尼請鬼 最緊要爛玩
来源：百度文库 编辑：九乡新闻网 时间：2024/10/06 18:30:10
www.mingpao.com
迪士尼樂園今年萬聖節會請大概150人扮鬼，樂園副導演周偉強（左一）話，應徵者唔使經驗都得?。（張岳弢攝）
【明報專訊】10月萬聖節又快到，香港兩大主題樂園開始「請鬼」，繼海洋公園嘅「招魂大會」請550人後，迪士尼樂園喺呢個月亦會請150隻鬼，而迪士尼請嘅鬼更係「經驗唔拘」，舊年佢哋就請咗個50幾歲的師奶扮鬼，最緊要夠爛玩。
Emily聽講，今年迪士尼「黑色世界」會有全新故事全新鬼屋，所以要請多啲人；樂園娛樂事務及服務部遴選總監蔡理義上個禮拜話，今年萬聖節會比舊年請多兩成人，要請140至150人左右喺9、10月返工。
唔少人以為萬聖節係後生仔玩意，但樂園副導演周偉強話，唔在乎「鬼」嘅體型、年紀，亦唔使表演經驗，只要玩得、嚇得、外向好動、充滿活力，就有機會做鬼。佢仲話曾經請過一個50幾歲女士喺大街做遊魂野鬼，亦試過有現實中做兼職廚師嘅男士，喺「大街詭異酒店」裏面做廚師鬼。
月尾面試 時薪45至120元
樂園會喺本月24及28日喺灣仔演藝學院舉行面試，參加者要用廣東話演繹一段中文台詞，之後再喺指導下做啲簡單動作。周偉強話獲聘者9月會接受訓練，學演技、動作及聲線運用、化妝技巧等，之後先投入工作。
海洋公園請哈囉喂鬼嘅時薪有45至120元，月薪可高達2.5萬元，表現出色者更可獲薪金兩成嘅獎金。不過，迪士尼樂園就唔肯講薪酬待遇，只係話薪金有競爭力喎。