九乡新闻网逆转裁判:世界真细小
来源：百度文库 编辑：九乡新闻网 时间：2024/07/14 06:41:36
南方报业新闻 时间: 2011年06月01日 来源: 南方都市报
金曲寻味
□Highyun
人人常欢笑,不要眼泪掉,时时怀希望,不必心里跳,在那人世间,相助共济,应知人间小得俏。世界真细小小小,小得真奇妙妙妙,实在真系细世界,娇小而妙俏。
又到儿童节,一段咁轻快嘅歌词,有冇唤返起你久违嘅童真?呢首《世界真细小》,相信香港及广东地区嘅朋友,从六〇后到九〇后,都冇人会陌生,喺某个时期,佢重系儿童活动嘅首选合唱歌添。
《世界真细小》改编自英文歌《小小世界》(《It's A Small World》),“小小世界”本来系迪士尼乐园中一个娱乐设施,而《It's A Small World》正系“小小世界”嘅主题曲。1975年,和路迪士尼嘅表演团队去香港演出,邀请黄霑为几首迪士尼经典儿歌填上粤语歌词,《世界真细小》就系其中一首。直到2005年香港迪士尼开幕,都依然攞呢首30年前嘅歌做其中一首主题曲,可见佢有几深入民心。
由英文歌词改写成中文歌词,唔单止要啱音,重要配合返原来意思,好高难度,不过难唔到霑叔。比如呢句:“There is just one moon and one golden sun. And a smile means friendship to everyone.”中文词系“又有阳光照,兼有朗月耀,良朋同欢聚,相依相对笑”；又如呢句“It's a small world after all, it's a small world after all”,中文变成众人耳熟能详嘅“世界真细小小小,小得真奇妙妙妙”,意思比“鸡肠版”更丰满,而且重押韵押到天衣无缝,真系“改得真奇妙妙妙”!
《世界真细小》唔单止影响咗几代嘅大人细路,重影响另一位填词人,催生咗另一首经典儿歌。郑国江帮港台儿童节目《小时候》写嘅同名主题曲,就系从《世界真细小》得到灵感,当时好少人够胆写儿歌写到咁跳跃活泼,于是郑国江决定既仿效又超越,黄霑写“世界”,佢就干脆写“宇宙”:“小小的宇宙,欢欣的宇宙,蹦蹦跳,哈哈笑,是我小时候”。一个乐坛盛世时代,连儿歌都可以一样咁精彩。
金曲寻味
□Highyun
人人常欢笑,不要眼泪掉,时时怀希望,不必心里跳,在那人世间,相助共济,应知人间小得俏。世界真细小小小,小得真奇妙妙妙,实在真系细世界,娇小而妙俏。
又到儿童节,一段咁轻快嘅歌词,有冇唤返起你久违嘅童真?呢首《世界真细小》,相信香港及广东地区嘅朋友,从六〇后到九〇后,都冇人会陌生,喺某个时期,佢重系儿童活动嘅首选合唱歌添。
《世界真细小》改编自英文歌《小小世界》(《It's A Small World》),“小小世界”本来系迪士尼乐园中一个娱乐设施,而《It's A Small World》正系“小小世界”嘅主题曲。1975年,和路迪士尼嘅表演团队去香港演出,邀请黄霑为几首迪士尼经典儿歌填上粤语歌词,《世界真细小》就系其中一首。直到2005年香港迪士尼开幕,都依然攞呢首30年前嘅歌做其中一首主题曲,可见佢有几深入民心。
由英文歌词改写成中文歌词,唔单止要啱音,重要配合返原来意思,好高难度,不过难唔到霑叔。比如呢句:“There is just one moon and one golden sun. And a smile means friendship to everyone.”中文词系“又有阳光照,兼有朗月耀,良朋同欢聚,相依相对笑”；又如呢句“It's a small world after all, it's a small world after all”,中文变成众人耳熟能详嘅“世界真细小小小,小得真奇妙妙妙”,意思比“鸡肠版”更丰满,而且重押韵押到天衣无缝,真系“改得真奇妙妙妙”!
《世界真细小》唔单止影响咗几代嘅大人细路,重影响另一位填词人,催生咗另一首经典儿歌。郑国江帮港台儿童节目《小时候》写嘅同名主题曲,就系从《世界真细小》得到灵感,当时好少人够胆写儿歌写到咁跳跃活泼,于是郑国江决定既仿效又超越,黄霑写“世界”,佢就干脆写“宇宙”:“小小的宇宙,欢欣的宇宙,蹦蹦跳,哈哈笑,是我小时候”。一个乐坛盛世时代,连儿歌都可以一样咁精彩。