九乡新闻网重庆九龙坡地图:美国新西兰睇定嚟食
来源：百度文库 编辑：九乡新闻网 时间：2024/07/14 00:52:37
美国新西兰睇定嚟食发布时间： 2011-06-25 09:07:06
世少杯进行得如火如荼，周日凌晨会上演C组同D组嘅第三轮分组赛，D组形势可谓乱过乱世佳人，四队都系同得三分，即系话每队都有机会出线，呢一轮可以话相当关键，值得留意系美国同新西兰出线形势极佳，两队今仗碰头，如果打和极大机会一齐出线，会唔会打默契波？真系要(目及)实喇！
未讲波先介绍吓赛制，二十四支球队分六组，除每组头两名出线外，仲有四支成绩最好嘅小组第三名出线，D组美国同新西兰依家有三分，兼且得失球同为“+2”，如果佢哋各得一分而同组另一场乌兹别克同捷克打和嘅话，美国同新西兰就会以首、次名出线，即使“乌捷”分出胜负，美国同新西兰打和，亦有机会以较佳成绩小组第三出线，所以两队今场随时叹慢版，睇住嚟食！
英格兰可望吐“乌”气
C组方面，形势就简单得多，乌拉圭两战两胜得六分，已提早出线，今仗对英格兰可能会畀部分主力休息，上仗意外被加拿大逼和嘅英格兰则有望攞番个尾彩，至于加拿大对卢旺达，咪以为卢旺达两战两败好渣，其实踢落一啲都唔曳，今场有机会击败加拿大！